Инквалита

село  Унцукульского района, входит в состав  сельсовета «Иштибуринский». Селение Инквалита расположено  на расстоянии 25 км от райцентра с. Унцукуль  в котловане северного  склона Бетль-Кахабросинского плато и в какой то форме  входит в бассейн реки Андийское Койсу.

С. Инквалита окружают также густые  леса, сочные пастбища Бетль-Кахабросинского плато, плодородные  пашни и сады в долине Андийского Койсу.

Таким образом, селение Инквалита расположено в удобном, окруженном со всех сторон горами и лесами котловане и очень удобна для жизни горцев.

Недалеко от леса Цанатли  Гумбетовского района находится местность «Урабада», где раньше были уникальные сады инквалитинцев. По преданиям старожилов село  Инквалита было основано примерно в конце 17 века, когда правителем Аварии был Магомед Нуцалхан-2й, Отец Умахана Великого.

По дошедшим до нас преданиям село Инквалита основано  охотниками, выходцами из села Тануси Хунзахского района. Потому что вокруг этих мест были пышные леса, где было много и разнообразных зверей и птиц, на которых можно было охотиться.

На том месте, где находился впоследствии дом Насибовой Халипат и загона для скота Хабибат раньше находился родник, куда часть поведывались горные олени и туры для водопоя. На этом месте охотники первыми и решили основать свое новое поселение. Охотники наняли прислугу и заставили их рыть котлован для строительства домов. Однако скалистая порода поддавалась с трудом и один из числа прислуги проклял этих охотников и послал в их адрес проклятия со словами, чтобы больше двух сыновей у них не рождалось и больше ста число стада барана не увеличилось. Легенда легендой, но истина известна только всевышнему Аллаху. Но факт остается фактом, что жители села Иновалита испытали немало трудностей на своем пути развития.

Из истории Дагестана известно, что жители села Инквалита активно поддерживали  борьбу за свободу и независимость под руководством имама Шамиля. По преданиям одного из уроженцев села Инквалита Халитова Гаджи рассказывал со слов своего деда, что в период Кавказской войны имам Шамиль часто приходил в с. Инквалита и как то оставался здесь даже на неделю на отдых. Большую известность приобретает село Инквалита в конце 19 века, когда здесь жил в течении 8 лет известный ученый богослов Мухамад-Хаджи Ободияв. Ободияв женился на уроженке из сел. Инквалита Халимат -Эбел и жил здесь вместе с ней. За время пребывания Мухамад-Хаджи Ободиява в сел. Инквалита выросли под его руководством известные богословы и знатоки ислама Хаджидада, Карамагомедхаджияв, Гусейнов Халит и др. До сих пор в сел. Инквалита сохранился зиярат Мухамад-Хаджи Ободияв – это дом, где он жил и трудился в течении 8 лет. Жители села ухаживают за этим зияратом как за самым святым местом своего села.

Сведения  о жизни и деятельности великого ученого богослова, шейха и служителя мечети в Мекке «Аль Харам» Мухаммада Хаджи аль Ободи ад Дагестани (пусть его Баракат и Шафаат достанется всем нам) до нас дошли в большей степени благодаря  уроженцу с. Кахабросо, полковнику в отставке Магомеду Гасанову.

В годы гражданской войны жители села Инквалита поддерживали Н. Гоцинского поэтому пострадали от Красной Армии. Более 40 жителей села Инквалита было расстреляно как ярых противников Советской власти. Ученые богословы и алимы села были высланы в Сибирь. Несмотря на эти репрессии и гонения со стороны властей инквалитинцы поддержали впоследствии советскую власть. Здесь появилась школа, медпункт, а вместе с жителями села Иштибури создали колхоз имени М.Горького.

Когда началась Великая Отечественная война на фронт ушли 20 молодых ребят из сел. Инквалита. После войны живыми вернулись только 5 человек. О судьбе погибших ничего не известно. Потому что этим никто не занимался.

В годы войны оставшиеся в тылу инквалитинцы  были в 1944-м  году депортированы в Чечню. Они были переселены в село Ангино Саясановского района Чечни. По пути следования и по месту прибытия от болезней и от голода умерло немало детей, стариков и женщин.

В 1957 году депортированные в Чечню горцы вернулись на Родину.

Инквалитинцы тоже вернулись в горы в родное село и заново восстановили свои разрушенные дома и свое хозяйство.

По возвращении в горы инквалитинцы вновь объединились с иштибуринцами в колхоз им. М. Горького. Это был в свое время один из самых передовых колхозов республики. Везде и во всем в хозяйственных делах первыми были инквалитинцы.

Однако отсутствие хороших дорог для транспорта, изолированность  от райцентра и городов республики все больше затрудняло  жизнь и быть инквалитинцев.

Поэтому в 1964 году инквалитинцы в количестве 30 семей организовано переселились на равнину – они переехали в село Ново-Каре  Бабаюртовского района, где основное население составляло даргинцы.

Новокаре — село в Бабаюртовском районе Дагестана. Является административным центром Новокаренского сельского поселения. Образовано в 1954 году на месте кутана колхоза села Кара

Кадани Левашинского района. По оценке 2013 года в селе проживало 1441 человек. До недавнего времени в селе действовал крупный зерноводческий и животноводческий совхоз «Энгельсский»

Координаты; 43°36′04″ с. ш.46°58′03″ в. д.  1441 человек (2013) -даргинцы - 75%, аварцы - 22%

С момента переселения инквалитинцев в село Ново-Кара прошло уже полвека и слава Аллаху ни одного столкновения на  межнациональной почве между даргинцами и инквалитинцами не было и дай аллах, чтобы этого никогда не случилось.

 На новом месте проживания инквалитинцы организовали свое хозяйство, быть, культуру. Среди них немало образованных грамотных людей, учителей, врачей и т.д. От Хасавюрта утром и вечером на маршрутке можно добраться до Ново-Кара. Однако инквалитинцы не забывают и свое родовое селение в горах Унцукульского района. Они часто посещают родные места, посещают зиярат Мухамад-Хаджи Ободиява, восстанавливают свои заброшенные дома.

Сегодня в старом Инквалита живут более 10 хозяйств. В основном это люди занятые животноводством. Посетив как то раз в летний период село Инквалита и его окрестности любой из нас будет восхищаться красотами окружающей природы. Настолько уникален и прекрасен наш родной край и нам с вами нужно его беречь приумножать.

Инквалита

Унсоколо районалъул ИнкIкIвалитIа росу буго районалъул централдаса 25 км бакъ тIерхьул рахъалдехун. МугIрузда керен цураб хьиндаде бох биччараб магIишат гьабизе бигьаяб бакIалда. Къилбаялъул рахъалда росда цебе буго ризаб накIкIил рохь гьединго севералъул рахъалдаги рижула накIкIил, махил, гьадил, лъорил, рицIцIил, бигьародал гъутIби.

Бакълъабазда рижула цIини, гIинтIи, сани, якки гIадал даруял хъархъал. Гумбет районалъул ЦIаналъ росдал «Инхва» магъида данд битIун буго ИнкIкIвелдерил кулабиги ахалги рукIараб «ГIурабатIа» абулеб бакI.Гьенир гьанжеги руго пихъил гъутIби аммаСССРги биххун бата батараб гьабулеб заман бачIиндал иманги яхIги гьечIел хIакъикьаги хIинкъуларел цо цо хIалихьатал мунафикъаз къотIизеги къотIун ричун ратана гьениса нус нус сон барал цIулакьодал гъутIби.

ЧIахIиял чагIазул биценазда рекъон ва цIех рех гьабидал росу ккураб заман гIага шагарго 1687 =1699 сонал рукIине кола. Гьеб заман буго Аваристаналда МухIамад Нуцалхан 2 ай ритIухъав ГIумаханил эмен ханлъун вукIараб заман.

Биценалда рекъон тIоцебе ИнкIкIвалитIа росдае кьучIчI лъезе газа кьабгIанила Хунзахъ районалъул ТIанусиса рачIарал гIадамаз тIанусиреги гьел гьебго районалъул ИнкIкIелтIа абулеб росулъа рачIун руго гьенисан бачIараб батизе бегьула росдал цIар ИНКIКIВАЛИТIА абун.

ГьабсагIат росу бугеб бакIалда сверухъ рукIун руго керчал рохьал. ХIабитил чIудбузда добехун Насибил Калиматил рукъалда тIадехун бугеб гохIилъ букIун буго чундул лъим гьекъезе рачIунеб гьитIинаб ицц. Гьеб бакIалда жидеего жанир чIезе бакI гьабизе тIамун руго цадахъ рукIарал рагьтIа телал. Амма къвакIараб тIалутIа кьучIчI бахъизе гьезие цIакъ захIмат букIун буго. Цинги гьезул цояс абун буго «Я Аллагьха гьасул я вас кIилъугеги я гIи нуслъугеги» абун. Лъаларо лъалев цо Аллагь вуго амма инкIкIвелдерида гIемераб гIакъуба бихьана.

Инкъилабалъул соназ хIурияталде данде чIарал чагIийин рухIаниялин абун рачун цо рокъореги гъун тIаде нартги шван гъун цIагун больщевикаца вухIун вуго кIикъого гIанасев бихьинчи, чIвалел рукIун руго гIисинал лъималцин ай вассал.Гьедин чIахIиял камиял ккана росдае додин нилъер «церехъабаз» беццулеб букIараб хIурият бахъулаго. КIудияб ВатIаналъул рагъ бай бихьигун тIолабго Дагъистаналдасаго гIадин ИнкIкIвалитIасаги анна улка цIунун къабихIав тушманасда данде вагъизе I0 гIолохъанчи. Амма гьезул шугояв гурони рокъоре тIад руссинчIо ва хутIарал цонигиязул хоб зани бугеб бакIцин лъаларо. Гьезул нахъе хутIарал наслабазеги хIукуматалъ кигIан дагьабниги кумек ва тIалаб гьабичIо. Щай? Щайгурелъул ИнкIкIвалитIа росдада чIван букIана «РухIаниял» абураб НКВДялъул агентазе цIакъ бокьулареб мугьру.

ХIукуматалъул, районалъул советалъул хIакимзабазда рихун букIана гьеб росу гьенив гIумро гьабун вукIанин Накъшубандияб тIарикъаталъул шайих МухIамад хIажи ГIободияв «р.гI» абун ва гьеб росдал гIадамал революциялде данде чIарал рукIана абун. МухIамадхIажи ГIободияс «р.гI» лъадилъун ячун йикIана ИнкIкIвалитIаса Зургьал ва Халимайил ГIумарил яс ХIалимат –Эбел (ж.а.р.)

МухIамад хIажи ГIободияс 7 соналъ гIумро гьабуна ИнкIкIвалитIа росулъ. Гьев гьенив вугеб заманаялъ росулъ гIун рачIана лъикIаланго цIаларал чагIи. Гьесул тарбиялда цIаларал ва шулияб тIадегIанаб гIелму шварал гIалимзаби рукIана ХIажидада, ХIосенил Халит, ХъарахIумахIажияв.

ИнкIкIвалитIа росулъ буго МухIамадхIажи ГIободиясул зиярат, амма гьенире машинаялъе нухал квешал рукIиналъ гIемерав чи вачIунаро, амма унго унгоял ГIободиясул адабги гьабулел шаргIияб нухдасаги кьуруларел Аллагьги (с.т.гI.в) аварагги вокьулел ва гьезул васияталги тIуразарулел диналъул ваццал ва яццал гьенире рачIуна щибаб санайил.

Зиярат росдал гIолохъабаз бажарараб ва бугеб ресалда рекъон ремонт гьабун къачIана. Аллагьас гьел гIолохъаби наслабадаса рохун, чорхое сахлъи кьун абадияб рокъоб алжан насиблъун гьареги Аллагьас. ХIурият бахъун хадусел соназги гIемераб къо бихьана ИнкIкIвелдерида. БукIараб шинаб боцIи- цIоло колхоз гIуцIцIулеб бугинги абун бахъун анна.

1944 соналъ къасе сардида хIал гьабун хIамузда лъун жидецаго баччун кIвараб рукъалъул къайи матахIгун цойги магIарулалго гIадин ИнкIкIвелги гочинаруна. Чачаналъе гочунаго нухда унтун херлъиялъ хIал дагьлъун гIемерисел холел рукIана.Бигьаго букIинчIо кьварарал мугIрузда гIурал магIарулазе гьениб яшав гьабизе. 13 соналъ гIумро гьабуна Ритляб районалъул Энгино росулъ. Гьенире щвараб соналъ гIемерал унтана ва хвана. Дагь дагь ккун байбихьана бакIалде ругьунлъизе ва цIияб магIишат гIуцIцIизе. Амма гьеб халат бахъинчIо, жидерго бакIалде рачIине бай бихьана чачанал ва нижги цIидасан гочинаруна гIагараб ИнкIкIвалитIа росулъе.

Гьанжеги цIидасан рана гьенир рукъзал, рекьана гIеруде руссарал хурзал. Гьаниб бицинчIого гIоларо ИнкIкIвалитIа росулъе 2 км манзилалъ лъим бачун рукIарал турбаби рахъизеги рахъун ричун яги кьун ратана гочинчIого хутIараб ХарачIи росулъе. Гьеб гьабуразе хIукмо Аллагьас гьабилин хьул буго.

ИштIал –Кулалгун цадахъ гIуцIцIана М.Горькил цIаралда бугеб колхоз ва бай бихьана цIидасан магIишат гьабизе.  Росулъ бана байбихьул школа, медпункт, библиотека, бачун букIана росулъе ток, радио, росдадаса 3 км рикIкIад гьечIеб бакIалда букIана росдал гьобо. Колхозалъул магIарухъ бугеб кинабго боцIцIи хьихьун букIана ИнкIкIвалитIа. Риидал хер бецулеб компаниялде, хасалихъе тIорщел бакIаризе гъутаналде унел колхозчагIазда гъорлъги гIемерисел ИнкIкIвел рукIунаан.  М.Горькил колхоз тахшагьаралъул хIурматалъул хъоршода букIаниги ИнкIкIвелдерил хIалтIухъ мухь кинго тIаде бахунеб букIинчIо, росулъе машинаялъе мадараб нух букIинчIо, букIарабги къачIалароан.Районалъул, росабазул советалъул, колхозалъул, парторганизациялъул нух малъулез росдал социалияб рахъ цебе тIезабиялъе килшида килиш лъураб гIанасеб хIалтIи гьабулеб букIинчIо, ниж рукIана хасало кIалтIа къедги гьабун парснибе гъураб рехъен гIадин.

ТIад чагIазул ритIухълъи гьечIолъиги гьезул тухумазулал бухьеналги, кинабго тIекълъиги чIалгIун ИнкIкIвел цIидасан гочана Бабаюрт районалъул ЦIиябкъара росулъе.Рижарал мугIрулги тун, умумазул хобалги тун тIубараб росу гочун унеб мехалъ районалъул ва Советалъул нух малъулез, гьикъичIо нуж щай гочунел абун?

Щай? Щайгурелъул гьезие ниж хIажат рукIинчIо, гьезие хIажат букIана нижер ракьги, бокьухъен гъуризе нижер рохьалги. Щиб гьабилеб, кинан батаниги ниж гочана Рана цIидасан минаби, жигараб гIахьаллъи гьабуна «Энгельсил» цIаралда бугеб совхозалъул магIишат гIуцIиялъулъ. Байбихьана цIидасан магIишат цебе тIезе, гIун рачIана гIолохъанал специалистал.

2015 соналъул июнь моцIалъ гьабураб цIех рехалда рекъон ИнкIкIвелдерил Новокаре росулъ буго -60 цIараки. Астархан -4 цI.р. Кизильюрт -6 цI.р. МхIачхъала -9 цI.р. Хасавюрт -35 цI.р. Ямаш аул -9 цI.р. Россия -I6 цI.р.ИнкIкIвалитIа -I4 цI.р.

     ***

Инквалита

«ИнгъуритIа» мегIералъул квенчIчIелалда бущинеги бущун лъураб гьитIинаб лъимер гIадин пашманго макьида кьижун бугин кола гIагараб умумузул ватIан ИнкIкIвалитIа росу.Дица цебего магIарухъе щвейдал хъван букIана «Къадал риххарал чIудби, чIорогоял гьоцIцIаби салам кьезе чи гьечIел хIайранал годекIаби абун»

ИнкIкIвалитIа росдал къисматалъул бицунел нугIзал гIадин эхетун чIун рихьула тIатIала карал минабазул-чIудбузул хутIарал къадал.

ГIагараб ракьалъул рекIелъан бецIцIулеб пашманаб магIо гIадин росдал бакълъул ва хьонлъул рахъаздасан чваххулел руго гIисинал лъарал.Гьел лъаразул чваххиялъул оххалъ

Кьижизарурал лъимал гIадин макьида рихьула лъабабго хабал агьлуги.РакIалде кола гьез радалги бакъанидаги гьарулеб ахIулеб бугин; «Чидар гъанситоги тун, русса инкIкIвел тIадилан» Гьаб росуги росдал балъголъабиги цIунарал хъаравулзаби гIадин росда тIаде ралагьун руго гьаб росдал тIолабго къисса лъалел рорхатал мугIрулги шобалги.

ГIемерал наслабазул къисматазул нугIзал руго гьал гъваридал кIкIалалги рорхатал шобалги гIедерго ралъдахъе гIедегIарал лъаралги кидаго кьер хисулареел росда сверухъ ругел беричал накIкIил рохьалги.Амма гьез гIадамазда щибниги бицунаро.Бицунелъухъ гIадамал гIенеккуларелъул.Гьедин буго жакъа гьедин букIана кидаго ва букIине буго, гIадамил наслоялда Аллагьасухъги тIабигIаталъухъги, ритIухъал ва гIадилал гIалимзаби-церехъабахъги гIенеккизе лъайзегIан. Гьединлъидалин къисматалъ нилъедаса рецIцIелги босулеб, кибго, кидаго ва сундухъго.

Инкъилабалъул соназги гIемераб къо бихьана росдал агьлуялда.Больщевикаца цо рокъореги гъун тIаде нартги щван цIаги гъун рухIана 40 го гIанасев бихьинчи.

ЧIвалел рукIана бихьинаб шинаб лъимер, чIахIиял чагIаз бицунаан гIемерисел ясазул ретIелги ретIун хутIанин чIвачIогоян.

«ГIагараб ИнкIкIвалитIа дир умумазул ватIан, унго дур гIадаб кьогIаб къисмат лъилго бугодай». Гьале дун росдал иццухъ, гьитIинаб мехалъ гIадин гIащикъго чIван кIалгун, бакъараб лъимаца эбелалъул рахь гIадин, гьаб дирго гIагараб ракьалъул рекIелъан къватIибе кIанцIун бачIараб ицул лъим гьекъолев. РухI бугелъеги гьечIелъеги чIаголъи кьолеб цIорораб росдал иццул лъим.Огь! цо дур бацIцIалъи, цIцIорой ва тIагIам.Чан гIишкъу бергьараб гIолохъанаб ракI гьудул йихьизеян гьанив хъаравуллъуда чIарав, чан къечарав нухлулас гьаб дур бацIадаб лъим гьекъараб чан чиясул рухI босараб чидар ракьалда дур цIорораб лъехъги гIашикълъун.

Росдал иццда аскIоб буго къулгIа-рукъги росдал мажгитги.Цевего росулъе щвейгун хъван букIана, чIунтараб мажгитги, къулгIа-рукъги бихьидал.

«ИнкIкIвелдерил росдае лъим бачарал турбаби,

Тавулдабаца рахъун ХеречIдерие кьуна,

ГIободияв –Шайихас каки чурараб къулгIа,

КъатIра лъелги гьечIого къечоца хвезабуна»

Амма жакъа ИнкIкIвалитIа, гочинчIого хутIарал цIаракабазул цевехъан ХIосенил

Зайирбегил жигаралдалъун тIатIала ккун букIараб мажгит цIидасан бана, къачIана къулгIаги. Гьединго росулъ бугеб ГIОБОДИЯСУЛ р. гI. зиярат къачIаялъеги кIудияб хIалтIи гьабуна Новокъара росулъ гIумро гьабун ругел гIолохъабаз.Аллагьас гьезие чорхое сахлъи кьеги, рекIее иман кьеги, баракат бугеб боцIи кьун хьихьайги Аллагьас.

 ***

Унсоколо районалъул ИнкIкIвалитIа росулъа ватIан цIунун рагъизе анна.

1.      ГIалихIажиев МутIалиб.  тIад вуссинчIо.

2.      ГIабдулаев МухIамад Хъандулалъул. тIад вусинчIо.

3.      ГIабдулаев МухIамад СахIил. тIад вусинчIо

4.      МахIмудов ХIабиб ГIадухIалимил ПатIиматил. тIад вусинчIо.

5.      Щихичуев АбулхIанипа. тIад вусинчIо.

6.      Мусаев Будун. тIад вусана хоб буго Бабаюрт район Новокара росулъ.

7.      Исрапов ХIамзат. тIад вусана хоб буго Унсоколо район ИнкIкIвалитIа росулъ.

8.      Лабазанов ГIабдулманап. тIад вусана хоб буго Унсоколо район ИнкIкIвалитIа росулъ.

9.      ХIасанов Къурбан. тIад вусана хоб буго ЧИАСР Энгиной росулъ.

10. Исудадаев МухIума. тIад вусана хоб буго Хасавюрт шагьаралда.

 

ГьечIел гIайибалги гIунтIизарун туснахъалда тIамуна ва гьенирго хвана.

1.      ГIалиев Камил.

2.      ГIалиев Эльдар.

3.      Джамалдинов ГIали.

4.      ХъарахIумахIажиев СагIит.

5.      ГIабдулмажидов МухIумагIали.

 ***

Рагъул офицер ГIабдулагьил МухIамад

​

ИнкIкIвалитIаса ГIабдулагьил МухIамад ай Исрапил СаихIатил вацц ун вукIана гIагараб ватIан цIунун фащистазда данде вагъизе. ГIабдулагьил МухIамад вукIана бажари бугев, тIад къараб иш намус бацIцIадго тIубазабулев, хIинкъи –къай гьечIев унго-унгояв магIарулав. МухIамад рагъде ун кIиго лъагIел ун хадуб кагъат бачIуна цо эвгун цадахъ вукIарав гIурусас, МухIамад нижедаса ватIалъана абун.  «Магомед ушел от нас». Рокъосез да кола гьеб кагъат МухIамад хванин абун бачIараб кагъат бугин абун.

МухIамадил магIирукъги гьабула къулгьу алхIамги гьабула.

Гьелдаса хадуб рагъде уна мадугьалихъ бугеб ЦIаналъ росулъа Хъабалав абулев чи. Цо заманаялдасан Хъабаласул кагъат бачIуна рокъобе живги лъикI вугила жиндадила ИнкIкIвалитIаса ГIабдулагьил МухIамадги данд чIванила эв жидер командир вугилан абун.  Хадуб МухIамадилги бачIуна кагъат жаниб офицерасул форма ретIараб суратги бачIуна.  Гьаб сагIат гьеб сурат букIине ГIабдулгъапурил вас ГIумарасхIабихъ.ЦIакъ бокьилаан гьеб сурат гьаб хабаралда аскIоб лъезе ХъахIабросулъа ХIасанов МухIамад ХIажиевичасул сайталде битIани.

 ***

 ГIодосан хIежалдеги ун тIад руссана.

1.      Ильяс ХIажияв.

2.      ГIабдухIалим ХIажияв.

3.      кIудияв ХIосен ХIажияв.

 

Шайих гIободиясул мюридзаби ва чIахIиял гIалимзаби.

1.      ХIосенил Халит

2.      ХIажидада

3.      ХъарахIумахIажияв

Гьал гIалимзаби шайих ГIободияс рачунел рукIун руго ГIобода ГIоротIа ва цойги росабалъ мадрасабазда мутагIилзабазе дарсал кьезе.

 ***

Жиндир мунагьал чураяв ХъахIаб росулъа кIудияв ХIассаница бицана.

Мунагьал чурад нилъее жиндир баракат щваяв ХIосенил Халит унтун хвалил боснов вугеб мехалъ эсул къаданив гIодов чIун вукIарав гIалим-  ХIажидадада ракIалде кола гьадинав гIалимасулги гьадин захIматго гурони бахъулареб аб рухI нилъе- нилъер киндай бахъила абун, гьоркьоб цо дагьаб заман ингун холев вугев Халитица абунила «гьадин захIматго бахъани гурищ эб рухI бахъи хирияб букIунеб абун» бихьулишха цере рукIарал мюридзабазул букIун бугеб рекIел хIал ай хIузур ва гьезул макъам цоцазул рекIелъ бугеб пикру цоцада бичIчIи. Аллагьас гьел чIахIиял чагIазул баракат камун нилъ тогеги.

Цойги чIахIиял чагIаз бицунеб рагIана. ИнкIкIвалитIаса Иласил ПатIиматица магьил къвалицаги къан мугъалда баччун ИнкIкIвалитIаса ГIоротIе швезегIан шибниги гIакъубаги бихьичIого баччанила шайих ГIободиясул занкIун тIахьазул цIураб кIудиб шкаф абун.

 

***

УНСОКОЛО РАЙОНАЛЪУЛ ХъахIаб росулъ Советалъул председательлъун ХъахIабросулъа ГIабдулманап ва ИнкIкIвалитIаса Исрапил ХIамзат секретарьлъун хIалтIулел рукIана. Гьев кIиявго Унсоколовеги ахIун гIакъуба кьун –рухун руго НКВДялъул хIалтIухъабаз. ХъахIаб росулъ, ИнкIкIвалитIа ва Бекьилъ ругел цIаларал чагIи –рухIаниязул сияхI кьеян абун.Амма гьез щиб гьабуниги цониги жагъалаб рагIи бицинчIо ва гьезул бихьинчилъиялдалъун ХъахIабросулъа ва ИнкIкIвалитIаса цониги чи вачун инчIо.Цойги бицунеб рагIана, Унсоколов райкомалъул Iсекретарьлъун Даниялов   ХIажигIали хIалтIулев вугеб мехалъ совещаниялда цо цо ккун тIадеги рахъине гьарун  щивав бегавуласда цIеххон буго ва абун буго росулъ ругел цIаларал чагIазул сияхI кьеян амма ХеречIдерилги ХъахIабросдерилги бегавулас хутIизегIан киназго кьун руго цIаларал чагIазул сияхI. Гьеб совешаниялда живго Даниялов ГIабдурахIманги вукIун вуго. Совещаниеги лъугIун къватIире рахъиндал гьес ваццасдехун абун буго гьалго       щинал чагIазда гъорлъ кIиго гурони бихьинчи вукIун гьечIо абун.

 

Данде гьабуна МухIамад гIалиев ГIабдуллагь ХIажияс 3 июль 20I5сон Хасавюрт шагьар.

 

****************************

Исана 142 сон т1убана гьунар т1ок1ав маг1арул шаг1ир ИнкIкIвалитIаса Шайихулислам гьавуралдаса. Гьевги гьесул ирсги халкъалда, хасго гIолохъанаб гIелалда, кIочон толеб буго. Гьединлъидал гьев шагIир ракIалде щвезавизе мурадалда, гьаниб гьесул кIиго шигIру кьезе нигат ккана.

 

ИнкIкIвалитIаса Шайихулислам (1873–1940)

 

САРДАЛ КЪВАРИД РУГИН

 

Сардал къварид ругин, къоял гIадад ун,

ГIумру ине гьабе дие гьалмагълъун.

Гьалщинал харбазул халго гьабуге,

Гьавайин биччанте бакъул дуниял.

 

Дуе рокьуларел кьерилазулгун

КьогIалщинал харбал халалъун кканин.

Халкъалъе загьирал дир запискаби

КIочон толаредухъ, табтаралда хъвай.

 

— Дир магIил гIоралги гIодоре тIунин,

ГIедегIун кин щвечIев дир азбаралде.

Кибего рагIараб дир гIодигIаги

ГIинда басандичIищ бусада сверун?

 

Сибир къотIун бугин рокъосан дие

КъулгIадухъегIаги гIагарлъе диде.

ГIагарал-божарал инсухъе ритIун,

ТIурай дурго къасдал къватIахъ рицунел.

 

РОГЬАЛИЛ ХIИНЧI

 

ХIасрат бергьани щиб рогьалил хIанчIихъ,

ХIули чилаялъул, черх маргъалалъул.

Чара тIагIани щиб гIамиркоялъухъ,

Куркьбал варакъулаб, бакъан берцинаб.

 

Бицине хIинкъарай хIурулгIиналъул

ХIанчIазде бицуна бугеб хIакъикъат.

Боржун унебщинаб итаркIоялде

Ургъел чучун уна чанги дир заман.

 

Зодил кавкабалде квер битIарасе,

Кинаб къимат кьолеб Къуръан-ХIадисалъ?

ХIинчI-гъеду щолареб щобде вахани,

Щиб гIайибдай чIвала дида гIадамаз?

 

ГIазу тIад букIаго, тIегь бижилаан,

ТIулалъ накъищ лълъунеб къотIи гьабуни.

Къаси-къад гIадинан, бакъ баккилаан,

Варакъул квералъ хъван кагъат рехани.

 

Харидаса тIокIаб тIогьол гIадаб куц,

ТIабгIалъ мун йосанин, хисуге рагIуй.

МагIарда гьавагIан гьуинаб гIамал,

ГIумру духъ бичанин, баче диргун квер.

 

Квер хъвани, сси холеб сагIат гIадай мун,

ГIадахъ восе абе эбелалдехун.

Бихьарав панаяб нур гIадинаб черх,

Чидай кьоге абе кьибилалдехун.

 

Мунан чапун унеб черх бугониги,

Чидае бицунеб цоги букIуна.

Багьа цIикIкIараян цIар лъедал гурищ

ЦIерлъун ракI биине багьана щвараб?

 

Бихьарав шаклъулеб шавкъалъул унтуй

Щиб гIакълудай кьела ГIунайзатица.

ГIадан божулареб женазул хIалалъ,

Жаниб ракI турани, теладай рехун.

 

ИСЛАМАЛЪУЛ НУР

ГIабдула-хIажи МухIамадгIалиевасул ц1ияб т1ехь

​

МагIарулазул пагьму-гьунар бугев шагIир ГIабдула- хIажи МухIамадгIалиевас жиндирго «Исламалъул нур» абураб кучIдузул тIоцебесеб тIехьалда бицен гьабулеб буго, магIарул яхI-намусалъулги, умумузул бахIарчияб тарихалъулги, гIадамасе исламалъул нурлъун жиб букIине кколеб Макка-Мадинаялъул ва дунялгун- ахираталъулги хаслъабазул хIакъалъулъ. Хьулги буго, пасихIаб магIарул мацIалда хъвараб гьаб тIехь, цIалдолез лъикIго къабул гьабилин абун.

ГIешдерил АхIулгохI

Иман бугев щинав ахIуд вахъарав,

АхIулгохIтIе буго жакъа зиярат.

ДагIистангун Чачан эркен гьабурав

Шамилие буго дугIа гьабулеб.

 Гьаниб авараца эркенлъи цIунун,

ЦIадул кор боркьана Ермоловазе.

Гьаниб гъазизабаз, шаригIат цIунун,

ЦIа лъуна каранда капурзабазул.

Алападахъ гуро мюридзабаца

Гьаниб, гIумруги кьун, босараб алжан.

ЦIарухъ гуро гьаниб дир магIарулаз,

ЦIар араб рагъ лъураб НикIалайилгун.

Кинан хулилареб березда магIу,

Гьаб АхIулгохIалъул хабар рагIидал.

ГIодичIого чIелищ ургьиб гьинал ракI,

Гьаб щулалъул гохIил къисмат бициндал.

Росу цоясде (М. ХIасановасе)

ХIалимат-эбелалъул кьолбол чагIи чарлъидал,

Бичас мун вищанадай эзий тадбир гьабизе,

Элъул хIурмат хIурулъ тун, хIалихьатго хьвадарал,

Хуриса заз-чIар гIадин, чIаран чIаго гьаризе.

Мун росулъа чи вуго, чорхолъ чилъи цIунарав,

Мун кьолбол васги вуго, васалазе мисаллъун.

Чорхолъ иман щулияв бусурманчи мун вуго,

Сурукъаб рекъечIелъе нагIана кьолев вуго.

Бикъулевгун рекъечIев, рекъечIел жал гьаричIев,

Аллагьас мун цIунаги, цIадав Ибрагьим гIадин.

ГЬабурасул гьабураб МахIшаралда батила,

Я Аллагь, вохун таги кIиябго рукъалдаса.

Ассалам

Ассаламу гIалайкум, баркат лъеяб «Ассалам»,

Исламалде халкъ цIазе кьеги тавпикъ Ассалам

Ассаламалъ тIолго халкъ аIула исламалде

Ассаламалъ яхI бугел рачуна иманалде.

Ассалам мун халкъалъул хирияб гьобол буго

Ассалам дуца уммат битIараб нухда лъола

Ассалам мун гIуцIулел сахлъиялда хутIаги

Дуй квербакъи гьабулел Аллагьас роххун таги.

ИнкIкIвалитIа

Къадал рихарал чIудби чIорогоял гьоцIаби

Салам кьезе чи гьечIел хIайранал годекIаби

ГодекIабахъ харбие хутIун гьечIел хараби

Харабахъ гIенеккизе гьечIеб гIун бачIунеб гIел

Пуруц гъари кIочарал гирибгун бакъда хурзал

Швара-шварасги къотIун къо бухIун ругел хурзал

Русса инкIкIвел тIадилан угьдилеб хобал агьлу

Сорола дир пикрабаз каранда ракIтIолго черх

ГIагараб инкIкIвалитIа дир умумузул ватIан

Унго дургIадаб кьогIаб къисмат лъилго бугодай?

ХъахIабросо

Гьаниб къилбаги лъала гьаниб къулгIаги буго

Къойил щуябго нухалъ гьаниб какги ахIула

Гьанир хараби руго годекIабахъ харбие

Харабахъ гIенеккулел гIолохъабиги гьанир

БацIцIадаб гьава гьаниб цIорорал иццал гьанир

Гьобол гьудул вачIани хIарччиниб гьанги гьаниб

Ясал гьанир намусал намусалда тIанкIлъечIел

Васал гьанир кьварарал къо ккаралъур ратулел

ШагIирзабазул КагIба гIащикъзабазул микъат

ГIищкъул тахшагьарилан цIар швараб XъахIабросо

ГIадлогин дин цIунараб баркат бугеб жамагIат

Аллагьас баркаталда цIунайги нуж думалъго

Унсоколоб

ГIасрабазул нугIзал гIусахъе шведал

Шола гIел башадал дида ракIалде

Цо ЦIудугохIалда бер чIвараб гIола

РекIелъ чIаголъизе дир гIолохъанлъи

Эркенаб гIуцIидал цIар араб свери

ХанлъигунтIадчилъи тIаса рехараб

Бодулъ цIар босарал васазул ватIан

Рогьоялъ тIанкIлъечел ясазул русен

Кьварарал васалгун дур ХIожол ХIожо

Гьанисан гуревиш арав сапаралъ

ЖабрагIил хIажияс чаранги биун

Шамилий гIарада гьабуна гьаниб

Гьаниб доб яхIалъул хIажатаб хIуби

Кибго гIадин гуро буго шулаго

Гьаниб иманалъул анлъабго рукно

МухIканго тIубала тIолго гIасрабаз

Гьанир годекабахъ хъахIлъарал херал

БачIунеб гIелалъе дарсги мисалги

Мун дие хирияб МахIачил ватIан

Рехсола хIурматгун шибаб дугIадалъ

Ассаламалде

ГIакъилаб каламги дур, камилаб хабарги дур

Аваразе бокьулеб вагIза насихIатги дур

Бусурманаб диналъул кIодолъигун ритIухълъи

Дуца гIадин гIакъилго лъица гьабулеб загьир

Ислам цебе тIеялъе гьаб гIалам цолъиялъе

Ассалам дур гIадинаб квербакъи лъилго гьечIо

"ЧIчIунхутIиялъ" беццлъарал компартиялъ гуккарал

Жагьилзаби кантIизе дарманги мун Ассалам

Дин рихараб "Западалъ"бецц гьарурал ракIазе

Къуват кьола Ассалам мун гIуцIцIулел бахIарзаз

Шайихзабазул малъи гIалимзабазул вагIза

Дуца ниж аваразул рокъо-рокъой бикьула

Дагъистан улкаялда ислам чорок гьабулел

Вагьабияб къавмалъул хIур кIутIулеб цIалги мун

ЦIар берцин дир Ассалам хъвана мун исанаги

МоцIие кIи-кIи нухалъ дихъе саламгун щвезе

Ислам хирияб чапар чи куцалеб къебелъи

Щва мун щибаб къавулъе баракаталъул нургун

Жагьилал нижер ракIал вагIзабаз цIи гьаризе

Бахъараб хвалччен гIадин чIа хIалае,Ассалам.

ГIабдуллагь-хIажи МухIаммадгIалиев

Бабаюрт район, Ново-Къара росу.

ГIарафат

Валлагь дунги гIодана доба ГIарафаталда,

ГIодор накабиги чIван квералги зодой ритIун,

Бежана дирги керен УхIудалъул магIарда,

ГIибадат гьабичIого риччарал лахIзатазухъ.

Бергьана дирги хIасрат Равза бихьараб мехалъ,

КквечIо береца магIо ХIабибасухъе(c.гI.в.с) щведал.

Суал кьуна рекIеца,доб хирияб ракьалда,

Щай,ГIабдулагь,гIадада гIумру тIамурабилан.

Гьале нилъей мугIжизат-КагIба сверулеб гIалам,

Гьале нилъей гIаламат,гIадамазул гIемерлъи,

Гьале нилъей ритIухълъи-киназулго ращалъи,

Гьале нилъей ращалъи-ращадал ххамил кескал.

Аллагь цо дур кIодолъи,Аллагь цо дур Къудратлъи,

Аллагь цо дур хIалкIолъи,Аллагь цо дур вацIалъи.

АлхIамдулиллагь Аллагь,тIолго рецIцIдуе буго,

Гьадин ращад ва рацIад ниж тIоритIизе кIолев.

Дицаго дидаго

СагIтал руго къокъунел

Къоял руго лъугIулел

Гьаб ахир гьечIеб хIалтIи

ЛъугIизе те ГIабдулагь

Пайда гьечIеб магIишат

Хашалев вукIинчIого

Росун кодой чIумалгун

ГIодов чIа хIалхьиялда

ГIолохъанаб заманги

Гизма хIалаго анин

Сапаралъ вахъиналде

Мех щвечIищ къачIадизе

СССР гIуцIулаго

ТIолго гIумроги анин

ГьанжегIаги гъеж гурун

Жувай гIибадаталде

Кида нуж кантIилел

Гьаб хвараб чилъиги чучараб яхIги

Мискиназул бикъун ракъаразул кун

ЧIахиязул адаб малакь мерхьараб

Лъидасан рачIарал гьал тавулдаби

ХIайваназе гIанги тарбия швечIеб

Унго киб бижараб гьаб нежехIаб гIел

ЧIахIиязул адаб хIатикь мерхьараб

Лъидасан рачIарал гьал тавулдаби

Къоабилеб гIасру къваридаб керен

Къилба лъананиги иман загIипаб

Диналъул рикьаби лъугIулареб бахIс

Миллатазда гьоркьоб гьагаб гьаб дагIба

Рагъ лъугIун лъабкъого сон тIубаниги

Гьоркьор къотIи гьечIел никрологал

Нилъерго тушбабаз нилъерго рагьтIа

Нилъеего буго рагъул кор боркьун

Гьал чIегIер ретIарал руччабазул тI ел

Цоял васал рукъун цоял росал чIван

Гьал ракълилал къояз къасеги къадги

КъватIахъ копоего кьвагьиги кьалги

КантIурареб щай дай гьа цулъараб къавм

ригьунарел киндай цIиял фиргIанал

Я ХIалкIолев Аллагь хIелун гьарула

ЦIуне дир Дагъистан балагьаздаса

Зулму цIикIкIунеб буго

Зулму цIикIкIунеб буго, иман дагьлъулеб буго,

ЧIахIиязул адаб тун, гIиссинал бергьун руго.

Эбел-эменгун кьаллъун кьур-кьулел лъимал руго,

Щварав рос хIебтIиларин кIанцIелел лъудби руго.

Бихьиназул цIар хъвагIан, цIояз байрахъги босун,

ГIадатазул шаргI гьабун, гIадада холел руго.

Илбисалъ тIад тажги лъун, рорхалъуда эл руго,

Эзул хьвада-чIвадиялъ чIван лъолел росал руго.

Пикрабазул рецц-бакъалъ беццлъулел ясал руго,

ЩайтIабаз гудралги ран, хъантIарал ракIал руго.

Хъубаб гIамал гIемерлъун черхалъул лугбал руго,

Телефоназ хванго- хъван гьарулел ригьнал руго.

Бихьиналги цIуялги гIорхъолъа рорчIун руго,

Россабаца руччаби базаралда лъун руго.

Жалго шурмалги гурун, рокъорго хIебтIун руго,

ХIалалалде мугъ рехун, рокьи хIарамалъухъ ккун.

Напсалъе балагь гьабун хьвадулеб буго гIалам,

Воре тохлъизе чIоге, вачIуневин ГIизраил.

Гьабе черхалъе вагIза, битIун ккезе бокьани,

Ракьалъул гIумру бугин гIоралъ хъамулеб хъарахъ…

ЛъачIого бортун араб хъазил хоно гIадинан,

ГIададаго хвелалде гIенекке гIакълу бугехъ.

РекIеца каки чурун, чорокаб гIамал рехе,

МагIу тIун тавбу гьабе, битIун ккезе бокьани.

ГIалимзабахъ гIенекке, устарзабахъе хьваде,

ТIарикъаталъул агьлу зиярат камун тоге.

Аллагьасе рецц гьабун, алхIамдулиллагь абе,

Хирияв ХIабибасул умматлъун нилъ гьарурав.

Гьаб дир назму цIаларав кинавниги аварав,

ЦIадав Ибрагьим гIадин, цIунаги бетIергьанас.

Рецц буго Аллагьасе

Рецц буго Аллагьасе, нилъее сахлъи кьурав,

Нилъее нигIмат кьурав, нилъей наслаби кьурав.

Амма дун нечон вуго, Бичасда цеве чIчIезе.

Валлагьги хIинкъун вуго хIакъил цIун ватилилан.

Вай, байтулман дунияялI Ана гIмру гIадада,

ГIиву-гIивуги бачун, щайтIаналъе бокьухъе.

Вореги диналъул вац, гIолохъанго дин гьабе,

Гьал дунялалъул къоял пайда гьечIел жал ругин.

ТIавафул вадагI гьабун

ТIавафул вадагI гьабун,

Макка-ХIарам толаго,

ГIаданир бераз буго

ТIолеб бухIараб магIу.

Къо- мех лъикI дуй КагIбарукъ,

Къо-мех лъикI Макка шагьар,

Расул жанив гьавураб

Исламалъул ракIгин нур.

Свалалагьу тагIала,

Расул гьавураб Макка,

Дагьабги баркатги лъун,

Беричлъаги, я АллагьI

РакI буго къварилъулеб

Къо-мех лъикI дуе хIабиб.

Къо-мех лъикI дуй Мадина-

ХIабибулагьил шагьар.

Я, хIалкIолев БетIергьан,

ХIелун гьарулеб буго,

Гьарунщинал тIавафал

Дуца къабул гьареян.

Маккаялда сардал ран,

ГIарафаталда чIарал,

Сафагин Мавраялда

Гьоркьор хьваданщиназул

Чурхдул жужахIалдаса

Дуца цIуне, я АллагьI

Гьабунщинаб гIибадат,

Я Аллагь, къабул гьабеI

Къапилаго бахилал

Муслиматал-руччаби,

Аллагьас мунагь чурун,

ХутIаги сахлъиялда.

Аллагь, нахъойги ахIе

Дуца ниж сапаралде,

ХIабибасухъ ссудулеб

РекIее сабру щвезе.

Аллагь, цойгиги ахIе

Расуласде гьоболлъухъ,

Равзагун БакъигIалда

ГIибадаталда чIчIезе.

Раче, Аллагь нахъеги

Ниж доб гIараб ракьалде,

Иман щула гьабизе,

Ислам бацIад гьабизе.

Нижер хIаж-гIумраялъул

Кири щвезабе, Аллагь,

ЧIагоялги хваралги-

ТIолалго наслабазе.

Дуца балагьалдаса

Уммат цIунаги, АлллагьI

Исламияб жамагIат

Цолъизе кьеги икъбал.

Амин, АллагьI Я АллагьI

Къабул гьабе, БетIергьанI

ХIижаз-ГIарабиялде сапар бухьараб къокъа

РекIел мурадги тIубан тIад руссайги рокъоре,

ХIижаз-ГIарабиялде сапар бухьараб къокъа.

Къапиладул цевехъан ГIахьвахъа Якъуб-хIажи,

ХIалалаб алжанги щун, щваги мун мурадалде.

Къапилаго бахилав автобусалъул шофер,

Мухтар-хIажий баркала, чучичIин щиб кканиги.

Шарип-хIажи, Рамазан, Мурадгун, ГIабдусалам,

Халатаб гIумроги кьун, сах-саламат хутIаги.

МухIумагIали, Къурбан, къайицадахъ ХIасахан,

Аллагьас мунагь чурун, чорхолъ ритIун хутIаги.

Къойил нижей квен кьурал руччабазе баркала,

Аллагьас баркат бугел наслаби кьун рохаги.

Васалгун-ясалаца нуж рохизе гьареги,

Гьараразул гьарараб Аллагьас къабуллъайги.

Таможникаца кьураб гIакъубаялъул кири,

ТIолго хIажизабазе щвезе гьабе, БетIергьан.

Цебе нижер букIараб, хадуб чияр лъугьараб,

Азербайджан батула тIоцебе квал-квалалъе.

Киса-щалан цIехола, щивасул хал гьабула,

ГIанкIваца рищни гIадин, къайи-матахI хъирщула.

Гьедин гIакъубаялда, суравги босулаго,

Лъола нилъеца хIетIе ГIарабазул ракьалде.

Ункъабго хIукуматалъ лъикI талавурги гьарун,

Сах-саламат нилъ щола Мадина шагьаралде.

Ассаламу гIалайкум, ХIабибулагьил шагьар,

Расул жанив вукъараб къадру борхатаб РавзаI

Салатгун-салам лъеги Хирияв ХIабибасда,

БакъигIалда рукъарал агьлогун хъизамазда.

Расуласе хириял, хириял АсхIабзаби,

Абубакар ва ГIумар, лъеги нужеда салам.

БакъигIалда рукъарал тIолго бусурбабазда,

Дагъистаналъул имам Генуса Шамилида.

МархIаба ХIамзатие-УхIудалъул бахIарчи,

МархIаба, Хасан, ХIосен- ПатIиматил рухIгин жан.

Аллагьасул дин цIунун рухIалда барахщичIел,

ГIусмангу, ГIали-асхIаб нужееги мархIаба.

Мадина шагьаралда зияраталги тIуран,

Биъру-ГIали абулеб микъаталде къокъана.

Малъал расал къунцIана, сунатаб черх чурана,

Черхалда ихIрам жемун, берцинаб махI гьабуна.

Хадур мажгиталде ун сунатал какал рана,

Нигат щулияб гьабун къокъана Маккаялде.

Нухда «Лабайка» бачун, Аллагь гIемер рехсана,

ХIеж бухьарав чиясе хIарамабщинаб тана.

Маккаялде лъунаго сунатаб черх чурана,

Хадуб нигат гьабуна ТIавафуль-Къудумалъе.

ХIарамалде лъунаго Бабу-Саламалдасан,

Ссунатаб дугIа цIалун ана ТIаваф гьабизе.

ТIаваф гьабулеб мехалъ, анлъабго шартI цIунила,

Бичасде ракI гъапуллъун, кколелъуб кколеб цIалун.

ГIакIа ккезе течIого, кинабго мухIкан гьабун,

Гьардана Аллагьасда, хIаж къабулазулъ хъваян.

Гьанже Зам-замги гьекъон, къокъана Сафаялде,

КагIбаялдехун вуссун, сабурго дугIа гьабун,

Сафагун-Мавраялда гьоркьов анкьцIул хьвадила,

Хирияв Аллагьасда рахIмат, баркат гьарила.

Микьабилеб къоялде мун къокъа Мадиналде,

ХIалкIун «Лабайка» бачун гьениб сордо борчIизе.

Радал кинабго халкъгун къокъа ГIарафаталде,

ГIарафаталда чIчIейин хIежалъул кIвар бугеб шартI.

Жабалу рахIматалъул ахалъиялдаги чIун,

Къилбаялдеги вуссун, хIелун гьарде Бичасда.

ГIарасат ракьалде щун, бадиса магIу чваххун,

Мунагьазда ракI гурхIун, тавбу щулияб гьабе.

ГIоратIа

ГIободасан баккараб, гIелмудал иццул лъеца

Дуниялго хIайранаб,ралъад лъвана ГIоротIа.

БацIадаб исламалъул,устарзаби хьихьарал

Хьиндалазул жамагIат,лъеги нужода баркат

ГIараб улка чIухIарав,Маккаялда цIар арав

МухIаммад ХIажиясе,кидагосеб мархIаба.

Дур файизалъул нуралъ, керен цIурав мубарак

Аргъванияв ХIажица,хIайран гьабуна тIальи.

Нилъер хирияй эбел,нилъер ракIазул дарман

ХIалимат-эбелалде,щва вацал саламги кьун.

Гьесие кумекалъе,хьолбохъа,ятIалъичIей,

ДугIадулъ рехсечIого,тоге ПатIимат ХIажи.

Муршидазул баракат,нужее насиблъаги,

Нуж Аллагьас хьихьаги,Аллагь хирияб насло.

Наслабадаса рохун,рохалида хутIаги

ГIалимзаби куцалеб,баркат бугеб жамагIат.

АхIул гохI

Къоло щуябго соналъ хъанчил агьлугун къеркьон

Шамилица Дагъистан гьабуна кибго машгьур

МагIарул бадрул ухIуд ахIул гохIлъаларев чи

ТIолабго дунялалда нагагьги ватиларо

Лъебер азарго солдат никалайил гъурарал

Чанги лебалаб гъалбацIшагьидлъана гьаб гохIда

Чанги генераласул каранда цIа бакарал

МагIарул мюридзаби накълолъана гьаб гохIтIа.

ГIарафаталда дугIа

Гьале дун исанаги ГIарафаталъул тIогьив

Бичас дида тIад лъураб налъи тIубазабулев

Гьале нахъеги дица ритIана зодой кверал

Бадиса магIу чвахун гьардана Аллагьасда

Аллагь кье чорхой къуват ильбис къине гьабизе

Аллагь кье рекIей иман гьабе бокьизе ислам

Аллагь гурхIа нижеда мун вокьун рачIун ругин

Мунагьгун хатIа чурун тIоритIе ниж бетIергьан

Дур ахIуй жаваб гьабун бухьараб сапар бугин

Дуца ахIаразулъ хъван гьаре Аллагь ниж рази

ХIабиб жанив вижараб Макка бихьун хьул бусун

Руссине гьаре Аллагь дуца ниж наслабахъе

ГIарафаталдаги чIчIун ГIарасат ракIалде щун

Бакъул бухIиги хIехьон гIибадат гьабуншинал

ГIарасаталъул бухIи хехьолеллъунги гьарун

Гьарараб къабулазул къапилаялъулъ рехсей

Жодой дугIа гьабеян аманат гьабуразул

ТIубайзе гьабе мурад тIолго мунагьал чурун

Мун вокьи загьир гьабун тIинкIараб нижер магIил

КъатIра рикIкIун кири щун щвезаре мурадалде.

Дун дунго хутIана

Дир гIелалъул васал лъугIулел руго

Ургъел лъий бикьилеб унтараб ракIалъ

ГIел бащадал щиназ дуниял танин

Гьинал рекIел бухIи лъиде чучилеб

УнтичIого хварал херлъи бихьичIел

Мунагь цIикIкiиналде бичас рачарал

ЯхIгин бахIарчилъи чорхолъ бессарал

Нужохъ гIодун берал руго дир сунел

АхIматIКъурахIума Къадил ГIабдулагь

Албуригун ХIаид яхIалъул хIубал

ГъастIа цIа сунарей кьибил чIухIарай

Дир гIагарай гIадан ана Разият

Дир инсуда цадахъ цо сордо къоялъ

Къанщана думалъго дир гьудул ГIумар

Къойиде вахиндал магIирукъ лъуна

Кьолбода нур гIадав ЗайнулгIабидил

Гьале занал руго заманалъ херлъун

Херлъи бихьичIого арал васазул

Хабада ракь буго гIеруде сверун

ГIолохъанго арал росуцоязул

Гьаб хвалил гьороца гурхIел гьечIого

Нуж цоцада хадур руго регIулел

Дун дунго хутIана дирго херлъигун

Херлъилалде арал нужехъ угьдилев

МархIаба КIудиясе

Къарну байбихьилалде бичас вихьизавурав

Нижер рухIияв эмен мархIаба дуй кIудияв

Ислам биччан таниги иман къанагIалъараб

Заманаялъ вачIарав мархIаба нижер устар

ТIарикъатгун шаригIат наслабазухъе кьезе

Кьеги Aллагьас сахлъи дуе CагIид афанди

Нус аза азар мюрид тарбия кьун къачIалев

Къарнуялъул цевехъан лъеги дуда баракат

Баракаталъул файиз нижер ракIазе кьолев

МархIаба хIакъав устар хIабибасул ирсилав

БацIцIадаб тIарикъалъул бекIмеседилаб рахас

ТIезе течIого ккурав Aллагьасул мубарак

Купруги гIемерлъараб гIаламги пасалъараб

Нусил авал гвангъизе Aллагьас кьурав вали

Халкъ Aллагьасде ине васитIалъун жив тарав

Таги мун тавпикъги кьун аллагьас цIар чварав лагъ

ТIолабго дунялалъул киналго миллатазул

Ургъел жинца гьабулев устарасе мархIаба

ТIабигIатги гIамалги тIагьаясда релъарав

Аллагьасул диналде халкъ бачунев цевехъан

Расуласул васият яс бер гIадин цIунарав

ЦIунаги мун аллагьас мархIаба лъикав инсан

Огь, хIал чIахъад КIудиявI

Дагъистан улкаялъул халкъал нухда рачине

Щулияб сахлъиги кьун гIумро халалъаги дур

Нижер ракIазул тохтур чи къачIалеб къебелъи

Гьале лъана исана дида,ЧIикав вугевлъи

Жагьилзабазул ракIал чурун рацIад гьарулеб

ТIарикъаталъул ралъдал швана диеги бутIа

ЧIунтарал нижер ракIал баркаталъ цIи гьарулев

ТIарикъаталъул къолден кьеги Aллагьас къуват

Инсан кантизавулеб мюрид камил гьавулеб

Гьалдасаги камилаб нух ракьалда букIуниш

Огь, хIал чахъад КIудияв, тIарикъаталъул хIуби,

Дуца питнаялдаса цIунун буго Дагъистан.

Къокъа ЧIикIаве

Нилъер чорхолъ бугеб чорокаб щайтIан

ТIарикъаталъ гурон къинабуларо

Каранда гьалулеб жахIдаялъул цIа

Устарас гурони свинабуларо

Чорхолъ бессун бугеб жагьиллъиялъе

Дару къваригIарав къокъа ЧIикIаве

РекIелъ рукъ ккун чIараб пахролъиялъе

Сабаб дуе кьела доба КIудияс

РитIухаб хIакъикъат лъазе бокьани

Лъазабе рекIехъе суалгун жаваб

Исламияб гIелму рекIелъе лъвине

Къураналъул ахIухъ кIвар кьун гIенекке

МахIшаралъул къоялъ кумек букIине

Тавбу гIемер гьабе салават битIе

Абадияб рокъоб чирахълъун чIезе

Аллагьасул калам камилго цIале

СиратI бахунелъул хIет щулалъизе

Щулаго ккве хьибил дуца шайхасул

Сурав босулелъул хIет щулалъизе

ШаргIияб нухдаса воре таруге

Джабалуль нур

ГIаламалъе рахIмат къуръан рештIараб

ХIираъ мегIералде щвана салам кьун

ГанчIил болъодухъан лъимер кинигин

Дун дур борхалъуде вуго харулев

Дур кIодолъиялъул баркат хIажалъун

Дур хиралъиялъул рахIмат хIажалъун

Дица хIайранго квер буго квалулеб

ХIабибас хIет чIараб кьурул сирталда

ТIолабго сверухълъи буго сурмалъун

Дуда тIад сверулел хIажизабаца

Дир керенги ракIги буго бежулеб

Джабалуль нуралъул бакъул бухIиялъ

Дир бералги ракIги руго гIодилел

ГIадада биччараб заманаялъухъ

Дир нусабго лага буго соролеб

ГIибадат гьечIого арал лахIзатахъ

Щай дие гьаб гIумру гIадада араб

Дур кIодолъиялъул лазат лъачIого

Дур хиралъиялъул баркат швечIого

Гьал дур рахIматазул рахIат швечIого

Аллагь мун лъаялде кавуги рагьун

Джабалуль нуралъе къо лъикIгьабуна

ГьечIин Aллагь гурев цойги Aллагьан

РакIалъги кIалалъги такрарги гьабун

Дир хIажизаби

ХIабибасул равза бихьун рохарал

Лъик шварал рокъоре дир хIажизаби

ХIабибулагьасда саламги бицун

ГьабичIищ дий дугIа аллагь гурхIаян

БакъигIалда вугев имамул AгIзам

Имам Шамилида бицинчIищ салам

УхIудалде шведал асхIабзабазде

ГьабичIищ зиярат дир рахъалдасан

Доба Маккаялъул мугIалаялда

ЩвечIиш нуж гьоболлъухъ ГIободиясде

Бераз магIоги тIун ракIги къварилъун

ГьардечIиш бичасда гонгикье швейгун

Макка хIарамалда КагIба рукъалда

Бер чIвайдал гьабичIиш рецц Aллагьасе

ХIарамалде лъвингун нигатги гьабун

Росдал агьлуялъе гьабичIиш дугIа

Зам зам гьекъолелъул унго гьаричIищ

Рокъор тарал нижей тавпикъ кьегиян

ХIажрул асвадалде ишанги гьабун

ГьаричIиш рекIее бацIцIадаб иман

Я Aллагь я Aллагь амин я Aллагь

Гьал хIажизабазул хIаж къабуллъаги

ТIолго рецц дуй Къудратав Аллагь

МухIамадил рати ниж умматалъул.

Тавбу

Пайда гьечiеб дунял,тураял лугбал,

КингIаги дандчIвалев БетIергьанасда.

ГьабичIеб гIибадат,кьечIеб садакъа,

Сваяб дир ракIалда щай лъачIеб гIужда,

Чорхол хасалихълъи тIаде щваниги,

Шибго гьечIо гьабун,БетIергьан-Аллагь.

Лугбазда хасалил сири баниги ,

Сурав босилалде гьечIо хIадурлъун.

ХъантIараб нафсалъе хъулухъги гьабун,

РагIдукь арал сагIтахъ кин кьелеб жаваб.

ЯхI гьечIеб черхалъул мурадги тIубан,

Гьабунщинаб рахIат кьабила гьурмалъ.

Аллагьас тIад лъураб какгун кIалалъе

Гьабураб тасамахI бачIина цебе,

Гьекъараб гIарaкъи,бухIараб хъалян

НугIлъиялъе чIела чIчIалде дун щведал.

Аллагь,дур цIобалъул кье дие хинлъи,

Аллагь, дур рахIмудал кье дие рахIмат.

Я,хIалкIолев Аллагь,дир загIипаб нафс,

Иман тIинкIизабун кантIизе гьабе.

Аллагь,ракI бухIана,астагъфируллагь,

КигIан кватIаниги вусана дуде

ГурхIулев,РахIмуяв БетIергьан-АЛЛАГЬ.

Гьабунщиналдаса дун рекIекълъана.

ЛъугIанищ дур чилъи, тIад магIаруллъи

ЦIиял тавулдабаз туртида лъураб

ЛъугIанищ дур чилъи тIад магIаруллъи

ИяхIги иманги гIодойги рехун

Мун гьал гIавурикIаз гьабуна хIакъир

Къадро гIаданлъиялъ куцараб миллат

Миллат дур гьабичIо гьал милатчагIаз

Милатазда гьоркьоб кьалалги рекьун

Цебесан бикьана мун "церехъабаз"

Гучаб улкаялъул улбуз гьарурал

Лъималищ гьал къватахъ къойил гьардолел

ЧIухараб улкадул ясалдай унго

Гьал саунабазда чурхдул ричулел

Дир гIагараб ватIан мугIрул Дагъистан

Дур къадро цIунизе чи гьечIищ хутIун

ЧагIазул бакIалда гьал "церехъабаз"

Дур кьили чахьилкье биччалеб буго

ЦIар арав Шамилил гучаб вилаят

Мун буго цIацIалеб цIаха кинигин

ЦIумазул бакIалда дур рорхалъаби

ЦIумагъудуз ккуна цIогьохъе рачIун

Къокъал кучIдул

Гьаб гьитIинлъилъулъ бугеб кIодолъи,

КIодолъун гурони гьеб бичIчIуларо.

Гьаб мискинлъиялъулъ бугеб бацIцIалъи,

РацIцIадазда гурон гьеб бихьуларо.

***

Чилъи бичичIого рухIборчIулареб

Унго бачIун бугеб заман бихьулищ?

Нич-яхI рехичIони бечелъулареб

Гьаб нилъер къарнудал чороклъиго щиб?

****

Гьагав чIухIухъанасул чилъи бажалураро

Жиндего ккараб тола тезе ккараб гьабула

РекIелъ жахIда бугони ботIролъа гIакъло уна

Иман гьечIеб рекIеца чорхой гIакъуба льола.

***

Гьаб кватIараб тавбоялъ керен ракI гвангъаниги

Тавбу гьечIого араб гIумру туснахъ батана

Гьаб чвахараб магIица дир черх бацIалъаниги

ГIибадат тун рогьарал сардал гIузрулъун ккана

***

Жакъа ИнкIкIвелдерие имамлъун щивдай вуго

Загьид дагьаб жоги лъун Къараялда вихьулин

Росдай вагIза гьабизе унго лъидедай ккараб

Эзул вагIзачи жакъа вихьулин тартадилев.

***

Гагу ахIделаро тIокалъ АнсалтIа

Бараб гIарадаялъ щущайдал щобал

ЦIумал роржинадай Болъихъгун ТIандо

ЦIудул бусабазде рехидал топал

***

ХIакъаб тIарикъаталъул устарзаби какулел

Каранда цIаги бакун гьалаг гьаре бетIергьан

Диналъул церехъаби цо-цоккун чIвалел ругел

ЧIвадарухъаби дуца раче Аллагь ракьалде

***

Зиначи - чIвадарухъан дуй нагIана батаги

ЦIогьаби,мацIихъаби нуж цIадуца рухIаги

Чияр мал кунел ругел иман гьечIел тIадчагIи

Хехго тIасаги росун нуж гIорцIаги жужахIалъ

***

БетIергьанас кьуралъе щибаб къойил рецц гьабе,

Къуръаналда малъухъе хьвадизе гIамал гьабе.

Бечедазда бахиллъун, магIишат бакIаруге,

ГIибадаталъе кьураб черхалъе гIакъва кьоге.

Дуца намусги-яхIги бечелъидухъ хисуге,

Къадаралда разилъе, Къуръаналъухъ гIенекке.

ШаргIалъ тIад лъураб куцалъ хьвадизе тIалаб гьабе,

ЦохIо Аллагь гурони дуда ханлъун вихьуге.

***

ХIабиб МухIаммадил шафагIаталъул

Нуралъ гуронани дун восугеги.

Аллагь, мун лъаялде рагьараб каву,

Кидаго къагеги дир гьинал рекIелъ.

***

ТIарикъат щулалъаги,

ШаригIат камиллъаги,

Камилаб исламалъул

Ирсилал камугеги.

***

Мугьал гъараб тIор гIадин,

ЧIобого хутIула чи,

Тавбуялъ черхги бацIун,

Бичасе хIеличIони.

Кун тIурал маххал гIадин,

Риххун уна пикраби,

Пикру хвалилги гьабун,

ГьабичIони гIибадат.

 

Гьале бачIана цо къо

Инкъилаб кккаралдаса зулмаби гIемерлъана

Мажгитал пасат гьарун складал гIуцIцIана

ГIажам тIахьал къуръаби гьез адаб тун рухIана

РухIаниял махги бан Сибиралде ритIана

Гьезул боцIи гIужги бан колхозазе рахъана

Ахал,хурзал.кулаби мунапикъаз бикьана

Зияратал риххана гIалимзаби гъурана

Ленинил ирсилаца халкъалда цIа бакана

Зинагин цIогь цIцIикIкIана бестIалал гIемерлъана

Сталинил халуяз ханлъи босана кодой

Исламгун шаргI малъулел мадрасабиги рихун

ГIуцIана Ше Ке Мал как дин кIоченабизе

Нилъер Имамул-АгIзам Шамилил АхIул гохIцин

Дин гьечIел атеистаз букIана халкъалъе къан

Мубараказ бицухъе Къуръаналда хъвавухъе

Гьале бачана цо къо динги шаргIги эркенаб

Аллагьасул къудраталъ тIаде Горбачевги гъун

Хъурмаца чахъу гIадин тIутIун бана СССР

Лениница гIуцIараб КПССалъулги

Ельцин "дациги" вачIун бахъана тIаса цIоко

Партиялъ киритги бан туснахъ гьабураб тIарикъ

МагIарда гIадра гIадин цIидасан ана тIегьан

Тавулдабаз риххарал мажгитал цIи гьаруна

ЦIидасан зияратал халкъалъе загьирлъана

Иман-ислам малъулел гIалимзаби рахъана

ШаргIгун тIарикъаталъул рагьун бицине щвана

Росабалъ,шагьаразда мажгитал занкIун цIуна

ЦIидасан динул ислам къадруялде бахана

ТIарикъаталъул рахас тIезе жодоца течIел

Мубараказул баркат халкъалда гъорлъ бессана

Аллагь рецц дуе буго исламалда ратидал

Свалат Аварагасде эсул умат ругелъул

Аллагь гурхIа нижеда Аллагь кье нижей сабру

Аллагь мунан ахIулеб хIухьел къотIизе тоге

Дунги Аллагьасул лагъ дугIаялде хьул лъурав

КигIан кватIун кканиги тавбу Астагъфируллагь.